test

R P

Nallan pillai petral

Go to Blogger edit html and find these sentences.Now replace these sentences with your own descriptions.

This is default featured slide 2 title

Go to Blogger edit html and find these sentences.Now replace these sentences with your own descriptions.

This is default featured slide 3 title

Go to Blogger edit html and find these sentences.Now replace these sentences with your own descriptions.

Friday, 22 May 2015

நமது மாத சம்பளத்தில் ரூ 150 பிடிக்கும் NHIS 2012 திட்டத்தில் , பழைய கார்டு க்கு பதிலாக , புதிய கார்டுக்கு apply செய்து"NEW HEALTH INSURANCE ID CARD " இன்னும் கார்டு வராதவர்கள்,பழைய கார்டு எண் தெரிந்தால் "www.tnnhis2012.com" என்ற இணையதள முகவரியில் "e-card" ல் பிரிண்ட் எடுத்துக் கொள்ளலாம். password : your date of birth.

தமிழக அமைச்சரவை புதிய பட்டியல்


ஜெயலலிதா தலைமையில் நாளை புதிதாக பதவியேற்க உள்ள தமிழக அமைச்சரவையில் ஓ.பன்னீர்செல்வம், வைத்தியலிங்கம், எடப்பாடி பழனிச்சாமி, வளர்மதி, செல்லூர் ராஜூ, , கோகுல இந்திரா, நத்தம் விஸ்வநாதன், மோகன், பி.பழனியப்பன், செந்தில் பாலாஜி, சின்னையா,
விஜயபாஸ்கர், அப்துல் ரஹீம், காமராஜ், வேலுமணி, தங்கமணி, பூனாட்சி, எம்.சி.சம்பத், சுந்தர்ராஜ், சண்முகநாதன், ஆனந்தன், வீரமணி, ஜெயபால், முக்கூர் சுப்ரமணியம், தோப்பு வெங்கடாசலம், உதயகுமார், ரமணா, என்.சுப்ரமணியம் ஆகிய 29 அமைச்சர்கள் பதவியேற்க உள்ளதாக தகவல்கள் தெரிவிக்கின்றன.

1,164 அரசு பள்ளிகள் 100 சதவீத தேர்ச்சி40,116 பேர் 'சென்டம்'


பத்தாம் வகுப்புத் தேர்வில், 1,164 அரசு பள்ளிகள், 100 சதவீத தேர்ச்சி பெற்றுள்ளன. அரசு பள்ளிகளைச் சேர்ந்த இரண்டு பேர், தமிழ் பாடத்தில், 'சென்டம்' வாங்கியுள்ளனர்.இதுகுறித்து, பள்ளிக் கல்வி இயக்குனர் கண்ணப்பன் கூறியதாவது:அரசு பள்ளிகள், கடந்த ஆண்டை விட, 3.33 சதவீதம், இந்த ஆண்டு அதிகமாக பெற்று, 89.2 சதவீதம் தேர்ச்சி பெற்றுள்ளன.

மாணவர்களை விட மாணவியர், 6.9 சதவீதம் அதிக தேர்ச்சி பெற்றுள்ளனர்.இதில், 19 அரசு பள்ளி மாணவ, மாணவியர் மாநில, 'ரேங்க்' பெற்றுள்ளனர். 

2012ல், 358; 2013ல் 453; 2014ல், 558 பள்ளிகள், 100 சதவீத தேர்ச்சி பெற்றன. தற்போது, 1,164 பள்ளிகள், 100 சதவீதம் தேர்ச்சி பெற்றுள்ளன. இது, கடந்த ஆண்டை விட, 606 பள்ளிகள் அதிகமாகும்.தமிழில், இரண்டு மாணவர்கள், 'சென்டம்' வாங்கியுள்ளனர். ஆங்கிலத்தில், 10; கணிதத்தில், 2,539; அறிவியலில், 27,157; சமூக அறிவியலில், 10,408 பேர் என, மொத்தம் 40,116 பேர், 'சென்டம்' வாங்கியுள்ளனர்.

தொடக்கக் கல்வி - ஆசிரியர்கள் முன்னுரிமை பட்டியல் தயாரித்தல் சார்பான விளக்கம்



தொடக்கக்கல்வி - மாணவர்களை பள்ளியில் சேர்க்கும்போது பிறப்புச் சான்றிதழில் உள்ள தேதியின் அடிப்படையில் மட்டுமே சேர்க்கவேண்டும் என இயக்குனர் உத்தரவு

பத்தாம் வகுப்பு தேர்வு முடிவுகள் - 2014ம் ஆண்டுடன் ஒரு ஒப்பீடு


பத்தாம் வகுப்பு தேர்வு முடிவுகளில், கடந்த 2014ம் ஆண்டுடன் ஒப்பிடுகையில், இந்தாண்டு பல வகையிலும் மாணவர்களின் சாதனை கூடியுள்ளது. அதைப்பற்றிய ஒரு மதிப்பீடு
* 2014ம் ஆண்டு தேர்வெழுதியோர் - 10 லட்சத்து 20 ஆயிரத்து 749 பேர்.
2015ம் ஆண்டு தேர்வெழுதியோர் - 10 லட்சத்து 60 ஆயிரத்து 866 பேர்.
* 2014ம் ஆண்டு தேர்வெழுதிய மாணவர்களின் எண்ணிக்கை - 5 லட்சத்து 18 ஆயிரத்து 639 பேர்

2015ம் ஆண்டு தேர்வெழுதிய மாணவர்களின் எண்ணிக்கை 5 லட்சத்து 33 ஆயிரத்து 043 பேர்
* 2014ம் ஆண்டு தேர்வெழுதிய மாணவிகளின் எண்ணிக்கை - 5 லட்சத்து 2 ஆயிரத்து 110 பேர்
2015ம் ஆண்டு தேர்வெழுதிய மாணவிகளின் எண்ணிக்கை - 5 லட்சத்து 27 ஆயிரத்து 823 பேர்
* 2014ம் ஆண்டின் பத்தாம் வகுப்பு மாநில தேர்ச்சி விகிதம் - 90.7%
2015ம் ஆண்டின் பத்தாம் வகுப்பு மாநில தேர்ச்சி விகிதம் - 92.9%
* 2014ம் ஆண்டின் மாணவர் தேர்ச்சி விகிதம் - 88.0%
2015ம் ஆண்டின் மாணவர் தேர்ச்சி விகிதம் - 90.5%
* 2014ம் ஆண்டின் மாணவியர் தேர்ச்சி விகிதம் - 93.6%
2015ம் ஆண்டின் மாணவியர் தேர்ச்சி விகிதம் - 95.4%
* 2014ம் ஆண்டு 60%க்கும் அதிகமான மதிப்பெண் பெற்றவர்களின் எண்ணிக்கை - 7 லட்சத்து 10 ஆயிரத்து 10 பேர்
2015ம் ஆண்டு 60%க்கும் அதிகமான மதிப்பெண் பெற்றவர்களின் எண்ணிக்கை - 7 லட்சத்து 96 ஆயிரத்து 466 பேர்
* 2014ம் ஆண்டு கணிதத்தில் சென்டம் பெற்றோர் எண்ணிக்கை - 18 ஆயிரத்து 682 பேர்
2015ம் ஆண்டு கணிதத்தில் சென்டம் பெற்றோர் எண்ணிக்கை - 27 ஆயிரத்து 134 பேர்
* 2014ம் ஆண்டு அறிவியலில் சென்டம் பெற்றோர் எண்ணிக்கை - 69 ஆயிரத்து 560 பேர்
2015ம் ஆண்டு அறிவியலில் சென்டம் பெற்றோர் எண்ணிக்கை - 1 லட்சத்து 15 ஆயிரத்து 853 பேர்
* 2014ம் ஆண்டு சமூக அறிவியலில் சென்டம் பெற்றோர் எண்ணிக்கை - 26 ஆயிரத்து 554 பேர்
2015ம் ஆண்டு சமூக அறிவியலில் சென்டம் பெற்றோர் எண்ணிக்கை - 51 ஆயிரத்து 629 பேர்

Thursday, 14 May 2015

பிளஸ் 2 துணைத்தேர்வு பதிவு இன்று துவக்கம்



பிளஸ் 2 தேர்வில், 78,722 பேர் தேர்ச்சி பெறவில்லை. தேர்ச்சி பெறாதோர் மற்றும் தேர்வுக்குப் பதிவு செய்து, பல காரணங்களால் தேர்வில் பங்கேற்காதவர்களுக்கான சிறப்பு துணைத்தேர்வு, ஜூன் இறுதி வாரத்தில் நடக்க உள்ளது. இதற்கான பதிவு, இன்று துவங்கி, 20ம் தேதி முடிகிறது. பள்ளி மாணவர்கள் தங்கள் பள்ளிகளிலும், தனித்தேர்வர்கள் தேர்வு மையங்களிலும், எந்தப் பாடத்துக்கு தேர்வு எழுத வேண்டும் என, பெயரைப் பதிவு செய்து கொள்ள வேண்டும். இதற்கு பதிவுக் கட்டணம், 50 ரூபாய்; ஒவ்வொரு பாடத்துக்கும், 50 ரூபாய்; இதர கட்டணம், 35 ரூபாய் ரொக்கமாக செலுத்த வேண்டும் என, தேர்வுத் துறை அதிகாரிகள் தெரிவித்து உள்ளனர்.

பிளஸ் 2 அறிவியல், வணிகவியலில் மாநகராட்சிப் பள்ளி மாணவர்களின் மதிப்பெண் குறைந்தது ஏன்? தலைமை ஆசிரியர்களிடம் ஆய்வு


        பிளஸ் 2 தேர்வில், சென்னை மாநகராட்சி பள்ளிகளில் அறிவியல் குரூப், வணிகவியல் பாடத்தில் மதிப்பெண் குறைந்த தற்கான காரணங்களை மாநகராட்சி கல்வித் துறை ஆராய்ந்து வரு கிறது. 
          சென்னை மாநகராட்சி கல்வித் துறையின் கீழ் செயல்படும் 32 மேல்நிலைப் பள்ளிகளில் படிக்கும் 6,202 மாணவ, மாணவிகள் கடந்த மார்ச் மாதம் பிளஸ் 2 பொதுத் தேர்வு எழுதினர். இதில் 5,290 பேர் தேர்ச்சி பெற்றனர். இது 85.30 சதவீத தேர்ச்சியாகும். வணிகவியல் பாடத்தை முதன்மை பாடமாக எடுத்து படித்த மாணவிகளே முதல் 3 இடங்களைப் பிடித்தனர். 1100-க்கு மேல் மதிப்பெண் பெற்ற 49 மாணவர்களிலும் வணிக வியல் மாணவர்களே அதிகம் இடம்பெற்றனர். ஆனால், சில பள்ளிகளில் வணிகவியல் பாடத் தில் மட்டும் 20-க்கும் மேற்பட்ட மாணவர்கள் தோல்வி அடைந் துள்ளனர். தேர்ச்சி குறைந்ததற்கு இதுவும் ஒரு காரணம் என்று சில பள்ளித் தலைமை ஆசிரியர்கள் கூறுகின்றனர். 
கடந்த ஆண்டு தேர்ச்சி 88.98 சதவீதமாகும். கடந்த ஆண்டைவிட இந்த ஆண்டு தேர்ச்சி சதவீதம் குறைந்ததற்கான காரணங்களை ஆராய மேயர் சைதை துரைசாமி தலைமையில் நேற்று முன்தினம் ஆய்வு கூட்டம் நடந்தது. மாநகராட்சி மேல்நிலைப் பள்ளிகளின் தலைமை ஆசிரியர்கள் பங்கேற் றனர். அறிவியல் பாட மாண வர்கள் அதிக மதிப்பெண் பெறாதது, சில பள்ளிகளில் வணிக வியல் பாடத்தில் அதிக அளவில் மாணவர்கள் தோல்வி அடைந்தது குறித்து இக்கூட்டத்தில் ஆலோசிக்கப்பட்டது. 
இதுதொடர்பாக மேல்நிலைப் பள்ளி தலைமை ஆசிரியை ஒருவர் கூறும்போது, ‘‘கணிதம், அறி வியல் பாடங்களை தொடர்ந்து படித்துக்கொண்டே இருப்பது அவசியம். செய்முறைக்காக அதிக நேரம் செலவிட வேண்டியிருக்கும். ஆனால், வணிகவியலில் செய் முறை தேர்வு கிடையாது. கடைசி நேரத்தில் படித்தாலும் மதிப்பெண் பெற முடியும். வணிகவியல் குரூப்பை தேர்வு செய்யும் மாணவர்கள் அதிக மதிப்பெண் பெறுகின்றனர்’’ என்றார். 
இதுதொடர்பாக கல்வித்துறை அதிகாரி ஒருவர் கூறியதாவது: 
அதிக மதிப்பெண் பெற்ற 49 மாணவர்களில் கணிதம், அறிவியல் குரூப் மாணவர்கள் எண்ணிக்கை குறைவாக இருக்கலாம். ஆனால், தரவரிசைப் பட்டியலில் முதல் 100 இடங்களில் உள்ள பொறியியல் கல்லூரிகளில் இடம் கிடைக்கும் அளவுக்கு மதிப்பெண் பெற்றுள்ள மாணவர்கள் எண்ணிக்கை கடந்த ஆண்டைவிட இந்த ஆண்டில் 150 அதிகரித்துள்ளது. 
கணிதம், அறிவியல் குரூப் மாணவர்கள் அதிக மதிப்பெண் பெறாதது, சில பள்ளிகளில் அதிக மாணவர்கள் வணிகவியலில் தோல்வி அடைந்தது ஆகியவை குறித்து அனைத்து மேல்நிலைப் பள்ளி தலைமை ஆசிரியர்களை அழைத்து ஆய்வு நடத்தி வரு கிறோம். காரணங்களைக் கண்ட றிந்து தீர்வு காணப்படும். 
இவ்வாறு அவர் கூறினார். 
சில பள்ளிகளில் வணிகவியல் பாடத்தில் மட்டும் 20-க்கும் மேற்பட்ட மாணவர்கள் தோல்வி அடைந்துள்ளனர். தேர்ச்சி குறைந்ததற்கு இதுவும் ஒரு காரணம்

பெரியார் மணியம்மை பல்கலை.யில் ஒருங்கிணைந்த பி.எஸ்ஸி., பி.எட். படிப்பு



 தஞ்சாவூர் பெரியார் மணியம்மை பல்கலைக்கழகத்தில் நான்கு ஆண்டு கால ஒருங்கிணைந்த பி.எஸ்ஸி., பி.எட். பட்டப்படிப்பு அறிமுகப்படுத்தப்பட்டுள்ளது. இதுகுறித்து இந்தப் பல்கலைக்கழகத் துணைவேந்தர் நல். ராமச்சந்திரன் புதன்கிழமை செய்தியாளர்களிடம் தெரிவித்ததாவது: தமிழகத்திலேயே முதல் முதலாக தஞ்சாவூர் பெரியார் மணியம்மை பல்கலைக்கழகத்தில் வருகிற கல்வியாண்டில் (2015 - 16) நான்கு ஆண்டு கால ஒருங்கிணைந்த பி.எஸ்ஸி., பி.எட். என்ற புதிய பட்டப்படிப்பு தொடங்கப்படுகிறது. இது, தேசிய ஆசிரியர் கல்விக் குழுமத்தின் (என்.சி.டி.இ.) அங்கீகாரம் பெற்றது. 

இதில், இரு பாலரும் சேர்வதுக்கான கல்வித் தகுதியாக 12-ஆம் வகுப்பில் இதர பிரிவினர் 50 சதவீத மதிப்பெண்களுடனும், பிற்படுத்தப்பட்டோர் 45 சதவீத மதிப்பெண்களுடனும், ஆதிதிராவிடர்கள், பழங்குடியினர், மாற்றுத்திறனாளிகள் 40 சதவீத மதிப்பெண்களுடனும் தேர்ச்சிப் பெற்றிருக்க வேண்டும். கணிதம், இயற்பியல், வேதியியல் ஆகிய முதன்மைப் பாட அமைப்புகளையும், கணிதம், இயற்பியல், கணினி அறிவியல் ஆகிய முதன்மைப் பாட அமைப்புகளையும் கொண்ட இரு பிரிவுகளில் நடத்தப்படுகிறது. இதேபோல, இந்தப் பல்கலைக்கழகத்தில் இரண்டு ஆண்டு கால பி.எட். பட்டப்படிப்புக்கான மாணவ, மாணவிகள் சேர்க்கை நடைபெறுகிறது என்றார்.

தவறு தவிர்க்க ஒரே மதிப்பெண் டி.சி


சில தவறு, குளறுபடி தவிர்த்து பிளஸ் 2 முடித்தவர்களுக்கு ஒரே மதிப்பெண் பட்டியல் வழங்க பள்ளிக்கல்வித்துறை நடவடிக்கை எடுத்துள்ளது. 2014-15ம் கல்வியாண்டில் பிளஸ் 2 தேர்ச்சி பெற்றவர்கள் ஆன்-லைனில் 'ரிசல்ட்' பார்த்து மதிப்பெண்களை தெரிந்து கொண்டனர்.

முன்கூட்டியே கல்லூரிகளில் அட்மிஷன் துவங்க ஏதுவாக தற்காலிக மதிப்பெண், டி.சி.,வழங்க பள்ளிக் கல்வித்துறை நடவடிக்கை எடுத்துள்ளது. அந்தந்த பள்ளி தலைமை ஆசிரியர்கள் மதிப்பெண் பட்டியல் அடங்கிய சான்றிதழை (புரோவிஷனல்) ஆன்-லைனில் 'பிரின்ட் அவுட்' எடுத்து, தலைமை ஆசிரியர்கள் கையெழுத்திட்டு வழங்க வேண்டும். மதிப்பெண் சான்றுடன் பள்ளி டி.சி.,யும் வழங்க வேண்டும். டி.சி.,யில் 'ஒரிஜினல்' மதிப்பெண் பட்டியல் சான்றை சரி பார்க்க வேண்டும் என்ற வாசகம் கட்டாயம் இடம் பெறச் செய்ய வேண்டும் என, அறி வுறுத்தப்பட்டுள்ளது.

இன்று (மே14)முதல் அரசு, அரசு உதவி பெறும் பள்ளிகளில் பிளஸ் 2 தற்காலிக சான்று, டி.சி.,களை வழங்க பள்ளிக் கல்வித்துறை உத்தர விட்டுள்ளது. உத்தரவு தகவல் தலைமை ஆசிரியர்களுக்கு மெயில் மூலம் அனுப்பப்பட்டுள்ளது. அதிகாரி ஒருவர் கூறுகையில், " தற்காலிகமாக வழங்கும் மதிப்பெண், டி.சி.,யை பயன்படுத்தி கல்லூரியில் சேரலாம்.6 மாதம் வரை பயன்படுத்தலாம். அதற்குள் ஒரிஜினல் மதிப்பெண் பட்டியல் வழங்கப்படும். மேலும், மதிப்பெண்ணில் தவறு, குளறுபடி இருந்தால் சரி செய்து, ஒரே சான்றாக வழங்குவதற்கு இப்புதிய முறை உதவும்,” என்றார்.

யுபிஎஸ்சி தேர்வுகளில் மாற்றம் இல்லை: மத்திய அரசு


யுபிஎஸ்சி தேர்வுகளில் இந்த ஆண்டு மாற்றம் இருக்காது என மத்திய அரசு தெரிவித்துள்ளது. இதற்கான அறிவிப்பு நேற்று அதிகார பூர்வமாக வெளியிடப்பட்டுள்ளது. அதே நேரம் யுபிஎஸ்சி தேர்வு முறை குறித்து ஆராய நிபுணர் குழு அமைக்கப்படும் என்றும், அக்குழு யுபிஎஸ்சி தேர்வு முறை, தேர்வு எழுதுவோரின் தகுதி, அதற்கான பாடதிட்டம் உள்ளிட்டவை குறித்து ஆய்வு மேற்கொள்ளும் என்றும் தெரிவிக்கப்பட்டுள்ளது.
அந்த குழு அறிக்கை அளிக்கும் வரை இதே தேர்வு முறை தொடரும் என்றும் தெரிவிக்கப்பட்டுள்ளது.  முன்னதாக தேர்வு வினாத்தாள் இந்தி மற்றும் ஆங்கிலத்தில் மட்டுமே இல்லாமல் பிராந்திய மொழிகளிலும் அமைய வேண்டுமென கோரி நாடு முழுவதும் பலகட்ட போராட்டங்கள் நடைபெற்றது குறிப்பிடத்தக்கது.

பிளஸ் 2 மதிப்பெண் சான்று இன்று முதல்


பிளஸ் 2 மாணவர்கள் வியாழக்கிழமை (மே 14) முதல் தாற்காலிக மதிப்பெண் சான்றிதழ்களை அந்தந்தப் பள்ளிகளில் பெற்றுக் கொள்ளலாம். உயர் கல்வி நிறுவனங்களில் சேர விரும்பும் மாணவர்களுக்காக இந்த ஆண்டு முதல் முறையாக தாற்காலிக மதிப்பெண் சான்றிதழ் வழங்கப்படுகிறது. இந்த மதிப்பெண் சான்றிதழ் 90 நாள்களுக்குச் செல்லத்தக்கதாக இருக்கும்.

பள்ளி தலைமை ஆசிரியர்களால் இணையதளத்தில் இருந்து பதிவிறக்கம் செய்யப்பட்டு இந்த தாற்காலிக மதிப்பெண் சான்றிதழ்கள் வழங்கப்படும். தனித் தேர்வர்கள் தாங்கள் தேர்வு எழுதிய மையத்தின் தலைமை ஆசிரியர்களிடம் இருந்து தாற்காலிக மதிப்பெண் சான்றிதழ்களைப் பெற்றுக் கொள்ளலாம். இணையதளத்தில் இருந்து நேரடி பதிவிறக்கம்: அரசுத் தேர்வுகள் இயக்ககத்தின் www.tndge.in என்ற இணையதளத்தில் பிறந்த தேதி, பதிவு எண் ஆகியவற்றைப் பதிவு செய்து மாணவர்களே நேரடியாக தங்களது தாற்காலிக மதிப்பெண் சான்றிதழ்களைப் பதிவிறக்கம் செய்தும் கொள்ளலாம்.

DISTRICT EDUCATIONAL OFFICER IN THE TAMIL NADU SCHOOL EDUCATIONAL SERVICE, 2012

DISTRICT EDUCATIONAL OFFICER IN THE TAMIL NADU SCHOOL EDUCATIONAL SERVICE, 2012

DEO EXAMINATION 2012 - PRELIMS RESULTS CLICK HERE...

Wednesday, 13 May 2015

பள்ளிக்கூடம் திறக்கும் ஜூன் 1–ந் தேதி 67 லட்சம் மாணவர்களுக்கு விலை இல்லா பாடப்புத்தகம் வழங்க ஏற்பாடு


         பள்ளிக்கூடங்கள் ஜூன் 1–ந் தேதி திறக்கப்படுகின்றன. அன்று அனைத்து அரசு பள்ளி மற்றும் அரசு உதவிபெறும் பள்ளிகளில் படிக்கும் 67 லட்சம் மாணவ–மாணவிகளுக்கு பாடப்புத்தகங்கள், நோட்டுப்புத்தகங்கள், அட்லஸ் ஆகியவை விலை இல்லாமல் வழங்கப்பட உள்ளன என்று பள்ளிக்கல்வி இயக்குனர் ச.கண்ணப்பன் தெரிவித்தார்.

கல்வி கற்க விலை இல்லா உதவி பொருட்கள்:
பாடப்புத்தகம், நோட்டுப்புத்தகம், புத்தகப்பை, காலணி, அட்லஸ் முதலியவற்றால் மாணவர்களின் கல்வி தடைபடக்கூடாது என்று தமிழக அரசு எண்ணி இந்த பொருட்கள் உள்பட கல்வி தொடர்பான 14 பொருட்களை விலை இன்றி அரசு பள்ளிகளில் படிக்கும் மாணவ–மாணவிகள், அரசு உதவி பெறும் பள்ளிகளில் படிக்கும் மாணவ–மாணவிகளுக்கு கொடுக்க முடிவு செய்து அதன்படி வழங்கி வருகிறது.


இந்த வருடம் எஸ்.எஸ்.எல்.சி. மற்றும் பிளஸ்–2 மாணவ–மாணவிகளுக்கு மட்டும், பாடப்புத்தகங்கள் அனைத்தும் விடுமுறையிலேயே கிடைக்க பள்ளிக்கல்வி துறை முதன்மை செயலாளர் த.சபீதா ஏற்பாடு செய்தார். அதன்படி அவை வழங்கப்பட்டுவிட்டது.

விடுமுறைக்கு பிறகு ஜூன் மாதம் 1–ந் தேதி பள்ளிகள் திறக்கப்பட உள்ளன. பள்ளிகள் திறக்கும் அன்று அனைத்து அரசு மற்றும் உதவி பெறும் பள்ளிகளில் படிக்கும் மாணவ–மாணவிகளுக்கு (எஸ்.எஸ்.எல்.சி மற்றும் பிளஸ்–2 மாணவ–மாணவிகள் தவிர) பாடப்புத்தகங்கள், நோட்டு புத்தகங்கள் விலை இன்றி வழங்கப்பட இருக்கிறது.

அனுப்பப்பட்டன:

பாடப்புத்தகங்களை தமிழ்நாடு பாடநூல் மற்றும் கல்வி பணிகள் கழக நிர்வாக இயக்குனர் மைதிலி ராஜேந்திரன், செயலாளர் க.அறிவொளி ஆகியோர் அனைத்து மாவட்ட அரசு குடோன்களுக்கு அனுப்பி உள்ளனர். அங்கிருந்து அவை அனைத்து மாவட்ட முதன்மை கல்வி அதிகாரிகளுக்கு அனுப்பப்பட்டுள்ளன. விரைவில் அவை பள்ளிக்கூடங்களுக்கு கொடுக்கப்பட இருக்கின்றன.

மே மாத இறுதியில் அனைத்து பள்ளிகளுக்கும் அனைத்து பாடப்புத்தகங்களும், நோட்டுபுத்தகங்களும் சென்றுவிடும்.

இது பற்றி பள்ளிக்கல்வி இயக்குனர் ச.கண்ணப்பன் கூறுகையில், ‘‘தமிழ்நாட்டில் உள்ள அனைத்து அரசு மற்றும் அரசு உதவி பெறும் பள்ளிகளில் 1–வது வகுப்பு முதல் 9–வது வகுப்பு வரை படிக்கும் மாணவ–மாணவிகள் 60 லட்சம் பேருக்கும், 11–வது வகுப்பு படிக்கும் 7 லட்சம் மாணவ–மாணவிகளுக்கும் விலை இல்லா பாடப்புத்தகங்கள், நோட்டு புத்தகங்கள் வழங்கப்பட உள்ளன. மேலும் அட்லஸ், ஒரு செட் சீருடை ஆகியவையும் வழங்க ஏற்பாடு நடந்து வருகிறது’’ என்றார்.

District wise Rank Comparison Table

District wise Rank Comparison Table

"பயோமெட்ரிக் முறை" தேர்ச்சி குறைவால் கல்வித்துறை முடிவு


'ஆசிரியர்களின் கவனக்குறைவு மற்றும் சரியாகப் பாடம் நடத்தாததே, பிளஸ் 2 தேர்வில், அரசு பள்ளிகளில் தேர்ச்சி குறைய காரணம்' என, கண்டறியப்பட்டுள்ளது. ஆசிரியர்கள், 'ஓபி' அடிப்பதைத் தடுக்க, 'பயோ மெட்ரிக்' வருகைப்பதிவை கட்டாயமாக்க, கல்வித்துறை முடிவு செய்து உள்ளது.

நடந்து முடிந்த, பிளஸ் 2 தேர்வில், மெட்ரிக் பள்ளிகளே மாநிலத்தில் முதல் மூன்று இடங்களையும்; மாவட்டத்தில் முதல் இடங்களையும் பிடித்தன. அரசு பள்ளி மாணவர்கள், மாவட்டங்களில் கூட முதலிடம் பிடிக்கவில்லை. இதேபோல், பள்ளிக்கல்வித் துறையின் கட்டுப்பாட்டிலுள்ள அரசு பள்ளிகள், 84.26 சதவீதம் தேர்ச்சி பெற்றுள்ளன. தனியார் மெட்ரிக் பள்ளிகளை (97.67) விட, 13.41 சதவீதமும்; அரசு உதவிபெறும் தனியார் பள்ளிகளை (93.42) விட, 9.16 சதவீதமும், அரசு பள்ளிகள் குறைந்துள்ளன.

அதிருப்தி:
கடந்த மூன்றாண்டுகளுக்கும் மேலாக அரசுப் பள்ளிகள், மாநில, 'ரேங்க்' பெறாமல், பரிதாபமான நிலைக்கு சென்றுள்ளதால், அரசு பள்ளிகள் மீது மக்கள் அதிருப்தி அடைந்துள்ளனர். இதுகுறித்து விசாரணை நடத்திய பள்ளிக்கல்வித் துறை அதிகாரிகள்,'ஆசிரியர்களின் கவனக்குறைவு, பள்ளிக்கு ஒழுங்காக வந்து பாடம் நடத்தாமை' போன்றவையே, இதற்கு காரணங்கள் என கண்டறிந்துள்ளனர்.

இதுகுறித்து, பள்ளிக்கல்வித் துறை அதிகாரிகள் கூறியதாவது:
*அரசு மேல்நிலைப் பள்ளி ஆசிரியர்களில் பலர், பள்ளிகளில் பாடம் நடத்துவதை விட, தனியார் மற்றும் அரசு பள்ளி மாணவர்களுக்கு தனியாக, 'டியூஷன்' எடுப்பதிலேயே, அதிக கவனம் செலுத்துகின்றனர். இதனால், பள்ளிகளில் முழுமையாக பாடம் நடத்தாமல், 'டியூஷன்' வர வைத்து, 'போர்ஷன்' முடிக்கின்றனர்; 'டியூஷன்' போக முடியாத, நன்றாகப் படிக்கும் மாணவர்கள் கூட தேர்ச்சி பெற முடியாத நிலை உள்ளது.

* பள்ளிகளில் பெயரளவில், ஒவ்வொரு நாளும் சில பக்கங்களைக் குறித்துக் கொடுத்து விட்டு, வீட்டில் படித்துக் கொள்ளுங்கள் என்று கூறுவதாகப் புகார் எழுந்துள்ளது. இதுகுறித்தும் விசாரித்து வருகிறோம்.

கண்காணிப்பு:
*பல ஆசிரியர்கள், பள்ளிகளுக்கு வந்து பதிவேட்டில் கையெழுத்து போட்டு விட்டு,சொந்த வேலைகளைப் பார்க்கச் சென்று விடுகின்றனர்.தலைமை ஆசிரியர்களும் இதைக் கண்டு கொள்வதில்லை.
*ஆய்வகங்களில் பெரும்பாலும், செய்முறைப் பயிற்சிக்கு வாய்ப்பு தருவதில்லை. மாறாக ஆய்வகப் பொருட்களை பயன்படுத்துவதாக, கணக்கு காட்டும் நிலைஉள்ளது.

*காலை, மாலை நேர சிறப்பு வகுப்புகளை, பல பள்ளிகளில் நடத்துவதில்லை.'ரிவிஷன் டெஸ்ட்' எனப்படும், மாதாந்திர திருப்புதல் தேர்வை முறையாக வைப்பதில்லை. வாராந்திரப் பாடம் நடத்தும் தயாரிப்பு திட்டம் முறையாக செயல்படுத்துவதில்லை.இப்படி பல குற்றச்சாட்டுகள் வந்துள்ளன. எனவே, முதற்கட்டமாக ஆசிரியர்களின் பணி வருகையை உறுதிப்படுத்தவும், 'போர்ஷன்' முடித்தல் அறிக்கை தரவும், தலைமை ஆசிரியர்களுக்கு உத்தரவிடப்படும். ஆசிரியர்கள், ஓபி அடிப்பதைத் தடுக்க, 'பயோ மெட்ரிக்' வருகைப்பதிவு முறை கொண்டு வரப்படும். அவ்வப்போது ஆய்வுகள் செய்து, ஆசிரியர்களின் செயல்பாடுகள் கண்காணிக்கப்படும்.
இவ்வாறு, அதிகாரிகள் தெரிவித்தனர்.

த‌மி‌ழ்நாடு ‌திற‌ந்த‌நிலை ப‌ல்ககலை‌க்கழக‌த்‌தி‌ல் (TNOU) ‌பி.எ‌ட். படி‌‌ப்புக‌ளி‌‌ல் சே‌ர்வத‌ற்கான ‌வி‌ண்ண‌‌ப்ப‌ங்க‌ள் ஜூ‌ன் 9ஆ‌ம் தே‌தி முத‌ல் வழ‌ங்க‌ப்படு‌ம்


த‌மி‌ழ்நாடு ‌திற‌ந்த‌நிலை ப‌ல்ககலை‌க்கழக‌த்‌தி‌ல் (TNOU) ‌பி.எ‌ட். படி‌‌ப்புக‌ளி‌‌ல் சே‌ர்வத‌ற்கான ‌வி‌ண்ண‌‌ப்ப‌ங்க‌ள் ஜூ‌ன் 9ஆ‌ம் தே‌தி முத‌ல் வழ‌ங்க‌ப்படு‌ம் எ‌ன்று அ‌றி‌வி‌‌க்க‌ப்ப‌ட்டு‌ள்ளது. 
இதுதொட‌ர்பாக தமிழ்நாடு திறந்தநிலை பல்கலைக்கழக‌ம் வெளியிட்டுள்ள செய்திக்குறிப்பில், 

தமிழ்நாடு திறந்தநிலை பல்கலைக்கழகத்தில், 2015 ஆம் ஆண்டுக்கான பி.எட். படிப்பிற்கு விண்ணப்பங்கள் ஜூன் 9 ஆம் தேதி (திங்கள்கிழமை) ந‌ண்பக‌‌ல் 12 மணி முதல் விற்பனை செய்யப்படுகின்றன. தமிழ் வழி படிப்பிற்கு 500 இடங்கள், ஆங்கில வழி படிப்பிற்கு 500 இடங்கள் என மொத்தம் 1,000 இடங்கள் உள்ளன.
விண்ணப்பங்கள் ஆகஸ்ட் 14ஆம் தேதி வரை விநியோகம் செய்யப்படும். பூர்த்தி செய்த விண்ணப்பங்கள் 14ஆம் தேதிக்குள் சமர்ப்பிக்க வேண்டும்.
விண்ணப்பங்கள், பல்கலைக்கழகத்தின் ஒருங்கிணைப்பு மையங்களான, அன்னை வேளாங்கண்ணி கலைக்கல்லூரி சென்னை, எஸ்.டி. இந்து கல்லூரி நாகர்கோவில், முத்துரங்கம் அரசு கலைக் கல்லூரி வேலூர், மற்றும் அறிஞர் அண்ணா அரசு கலைக் கல்லூரி விழுப்புரம் ஆகியவற்றில் விநியோகம் செய்யப்படுகின்றன.
மேலும், மண்டல மையங்களான, எஸ்.என்.ஆர். கல்லூரி கோவை, தமிழ்நாடு திறந்தநிலை பல்கலைக்கழக மண்டல மையம் மதுரை, வருவான் வடிவேலன் பி.எட். கல்லூரி தருமபுரி, ஷிவானி பொறியியல் கல்லூரி திருச்சி, புனித கிறிஸ்டோபர் கல்வியியல் கல்லூரி சென்னை, டாக்டர் என்.ஜி.பி. கல்வியியல் கல்லூரி கோவை, இக்னேசியஸ் கல்வியியல் கல்லூரி தஞ்சாவூர், கிரசன்ட் கல்வியியல் கல்லூரி திருவண்ணாமலை, கஸ்தூரிபா காந்தி கல்வியியல் கல்லூரி மசக்காளிபட்டி, ராசிபுரம் கல்வியியல் கல்லூரி ராசிபுரம், கபி கல்வியியல் கல்லூரி மதுரை, பவானி கல்வியியல் கல்லூரி கடலூர் ஆகிய கல்லூரிகளிலும் விண்ணப்பங்களை நேரடியாக ரூ.500 செலுத்தி பெற்றுக்கொள்ளலாம்.
மேலும், பல்கலைக்கழகத்தின் இணையதளமான www.tnou.ac.in இல் விண்ணப்பத்தை பதிவிறக்கம் செய்து ரூ.500 க்கான வரைவோலையை இணைத்து அனுப்ப வேண்டும். தபால் மூலம் விண்ணப்பத்தை பெற, ரூ.550 க்கான வரைவோலையை "தமிழ்நாடு திறந்தநிலை பல்கலைக்கழகம், சென்னை 15' என்ற பெயரில் சென்னையில் மாற்றத்தக்கதாக எடுத்து, "பதிவாளர், தமிழ்நாடு திறந்தநிலை பல்கலைக்கழகம், 577, அண்ணா சாலை, சென்னை 600015' என்ற முகவரிக்கு அனுப்பி வைக்க வேண்டும்.



மாணவர்களின் விண்ணப்பங்கள் பரிசீலிக்கப்பட்டு, தமிழக அரசின் இடஒதுக்கீடு அடிப்படையில் மாணவர் சேர்க்கை அக்டோபர் மாதம் முதல் தொடங்கும். பின்னர் பி.எட். வகுப்புகள் 2015 ஜனவரியில் தொடங்கப்படும். மேலும் விவரங்களுக்கு 044 24306657 மற்றும் 044 24306658 என்ற தொலைபேசி எண்களை தொடர்பு கொள்ளலாம். தமிழ்நாடு திறந்தநிலை பல்கலைக்கழகத்தில் பி.எட். படிப்பில் சேர்வதற்கு நுழைவுத்தேர்வு இல்லை என்பது குறிப்பிடத்தக்கது எ‌ன்று அ‌ந்த கு‌றி‌ப்‌பிட‌ப்ப‌ட்டு‌ள்ளது. 

உங்கள் வங்கி கணக்கின் இருப்புத் தொகை தெரிந்து கொள்ள ATM card தேவையில்லை



உங்கள் வங்கி கணக்கின் இருப்புத் தொகை தெரிந்து கொள்ள ATM card தேவையில்லை. கட்டணம் இல்லாமல் இலவசமாக உங்கள் மொபைல் மூலம் எங்கே இருந்தாலும் தெரிந்து கொள்ளலாம்.

குறிப்பு: அக்கவுண்ட் தொடங்கிய பொழுது கொடுக்கப்பட்ட தொலைபேசி எண்ணிலிருந்து தொடர்பு கொண்டால் இரண்டு மணி ஒலித்த பின் தொடர்பு துண்டிக்கப்பட்டு, அந்த எண்ணுக்கு உங்கள் இருப்புத் தொகை தானாகவே வந்துவிடும்…

Know ur bank account balance by giving a missed call to below numbers… Don’t waste your ATM transactions just to see your balance… (your mobile number must be given in your bank account ) Indian overes bank 04442220004
1. Axis bank- 09225892258
2. Andra bank- 09223011300
3. Allahabad bank- 09224150150
4. Bank of baroda- 09223011311
5. Bhartiya Mahila bank- 09212438888
6. Dhanlaxmi bank- 08067747700
7. IDBI bank- 09212993399
8. Kotak Mahindra bank- 18002740110
9. Syndicate bank- 09664552255
10. Punjab national bank- 18001802222
11. ICICI bank- 02230256767
12. HDFC bank- 18002703333
13. Bank of india- 02233598548
14. Canara bank- 09289292892
15. Central bank of india- 09222250000
16. Karnataka bank- 18004251445 17. Indian bank- 09289592895
18. State Bank of india- Get the balance via IVR 1800112211 and 18004253800
19. union bank of india- 09223009292 20. UCO bank- 09278792787
21. Vijaya bank- 18002665555
22. Yes bank- 09840909000 Good information always shared with others.

Government Sector Banks – Missed Call Number:

1. Allahabad Bank: - 09224150150
2. Andhra Bank: - 09223011300
3. Bank of Baroda: - 09223011311
4. Bank of India: - 02233598548
5. Bank of Maharashtra: - N/A
6. Bharatiya Mahila Bank: - 09212438888
7. Canara Bank: - 09289292892
8. Central Bank of India: - 09223512345
9. Corporation Bank:
Balance Details (In Hindi) – 09289792897
Balance Details (In English) - 09268892688
10. Dena Bank:
Balance Detail - 09289356677
Last 4 Transactions Mini Statement - 09278656677
11. IDBI Bank: - 09212993399
12. Indian Bank: - 09289592895
13. Indian Overseas Bank: - N/A
14. Oriental Bank of Commerce (OBC): - Send SMS
Balance Detail – “ACBALAccountnumber” Send to - 09915622622
Mini Statement – “STMAccountnumber” Send to - 09915622622
15. Punjab & Sind Bank: - 1800221908
16. Punjab National Bank (PNB):- 18001802222 or 18001032222 Or 01202490000
17. State Bank of Bikaner & Jaipur (SBBJ): - N/A
18. State Bank of Hyderabad: - N/A
19. State Bank of India (SBI):
To Register This Service Send SMS - “REGAccountnumber” Send to - 09223488888
Balance Detail - 09223766666
Last 5 Transactions Mini Statement - 09223866666
20. State Bank of Mysore: - N/A
21. State Bank of Patiala: - N/A
22. State Bank of Travancore: - N/A
23. Syndicate Bank:
To Register This Service Send SMS - “SREGCustomer-ID” Send to - 09241442255
Balance Detail – 09241442255 Or 08067006979
24. UCO Bank:
Balance Detail – 09278792787
Last 5 Transactions Mini Statement - 09213125125
25. Union Bank of India: - 09223009292
26. United Bank of India: - 09015431345
27. Vijaya Bank:
Balance Detail - 1800-266-5555
Last 5 Transactions Mini Statement - 1800-266-5556

Private-Sector Banks - Missed Call Number:

1. Axis Bank: - 09225892258
2. Catholic Syrian Bank: - N/A
3. City Union Bank: - N/A
4. Development Credit Ban: - N/A
5. Dhanlaxmi Bank:
Balance Detail: - 08067747700
Last 3 Transactions Mini Statement – 08067747711
One Day E- Statement - 08067747733
6. Federal Bank: - 1800-425-1199 or 1800-420-1199
7. Tamilnad Mercantile Bank: - N/A
8. HDFC Bank: - 18002703333
9. ICICI Bank: - 022-30256767
10. Indusind Bank: - N/A
11. Karnataka Bank: - 18004251445
12. Karur Vysya Bank:
Balance Detail: - 09266292666
Last 3 Transactions Mini Statement - 09266292665
13. Kotak Mahindra Bank - 18002740110
14. Lakshmi Vilas Bank: - N/A
15. RBL Bank: - Click Here
16. Nainital Bank: - N/A
17. South Indian Bank: - 09223008488
18. Yes Bank: - 09840909000
19. ING Vysya Bank: - N/A

அரசுப் பள்ளி கழிப்பறைகள் பராமரிப்புப் பணி உள்ளாட்சி நிர்வாகத்திடம் ஒப்படைப்பு



அரசுப் பள்ளிகளின் கழிப்பறை பராமரிப்பு பணிகளை, உள்ளாட்சி அமைப்புகளிடம் ஒப்படைத்து, அரசு உத்தரவிட்டு உள்ளது. அரசுப் பள்ளிகளில், போதுமான கழிப்பறை வசதியில்லை. இருக்கும் பள்ளிகளிலும், முறையான பராமரிப்பு இல்லாததால், சுகாதாரக்கேடு ஏற்பட்டு, மாணவர்கள் அவதிப்படுகின்றனர்.

'அனைத்து அரசுப் பள்ளிகளிலும், கழிப்பறையை உறுதி செய்ய வேண்டும்' என, சமீபத்தில் உயர் நீதிமன்ற மதுரை கிளை உத்தரவிட்டது. இந்நிலையில், அரசுப் பள்ளிகளின் கழிப்பறை பராமரிப்பு பணியை, உள்ளாட்சி அமைப்புகளிடம் ஒப்படைத்து, அரசு உத்தரவிட்டு உள்ளது.

விருதுநகர் மாவட்ட கல்வித் துறை அதிகாரி ஒருவர் கூறியதாவது:

தமிழகத்தில், 2,057 அரசுப் பள்ளிகளில், கழிப்பறை முறையாக இல்லை என, ஆய்வில் கண்டறியப்பட்டது; இதை பராமரிக்க, 160.77 கோடி நிதியை, கடந்த பட்ஜெட்டில், தமிழக அரசு ஒதுக்கியது. இதனால், 56.56 லட்சம் மாணவ, மாணவியர் பயன்பெறுவர் எனவும், தமிழக அரசு தெரிவித்தது. இப்பிரச்னையை நிரந்தரமாக தீர்க்க, அனைத்து அரசுப் பள்ளிகளிலும், கழிப்பறை பராமரிப்பு பணியை, அந்தந்த உள்ளாட்சி அமைப்புகளிடம், அரசு ஒப்படைத்து உள்ளது.

தற்போதுள்ள துப்புரவு பணியாளர்களையோ, அல்லது தினக்கூலி அடிப்படையில், தேவையானவர்களை நியமித்தோ, கழிப்பறைகளை பராமரிக்கவும், தண்ணீர் உள்ளிட்ட அடிப்படை வசதிகளை செய்து தரவும், உள்ளாட்சி அமைப்புகளுக்கு அறிவுறுத்தப்பட்டு உள்ளது. இதற்கான நிதி, கல்வி வரி, திடக்கழிவு மேலாண்மை திட்டத்தில் இருந்து வழங்கப்பட உள்ளது. இது தொடர்பாக, பள்ளிகள், உள்ளாட்சி நிர்வாகங்களுக்கு, தனி சுற்றறிக்கை அனுப்பப்பட்டு உள்ளது. இதன்மூலம், மாணவர்களின் அவதி நீங்கும். இவ்வாறு, அந்த அதிகாரி தெரிவித்தார்.

பத்தாம் வகுப்பில் தமிழ் பாடம் கட்டாயம்.பள்ளிக்கல்வித் துறை அதிரடி


பள்ளி கல்வித்துறை இயக்குநர் கண்ணப்பன் சுற்றறிக்கையில் கூறியிருப்பதாவது: தமிழகத்தில் பள்ளி கல்வித்துறையின் கீழ் இயங்கும் அனைத்து வகை பள்ளிகளிலும் பகுதி 1ல் உள்ள தமிழ் பாடத்தை கட்டாயமாக மாணவர்கள் பயில வேண்டும்.

நடப்பு கல்வியாண்டில் 1ம் வகுப்பு முதல் 10ம் வகுப்பு வரை பகுதி 1ல் உள்ள தமிழ் மொழி பாடத்தை கட்டாயமாக ஆசிரியர்கள் கற்பிக்க வேண்டும்.

2006-07ம் ஆண்டு 1ம் வகுப்பில் பயின்ற மாணவர்கள் 2015-16ம் கல்வியாண்டில் முதன் முதலாக 10ம் வகுப்பு பொதுத்தேர்வினை எழுத உள்ளனர். இவர்கள் தமிழ்பாடத்தை பகுதி 1ல் கட்டாயமாக எழுத வேண்டும். பகுதி 1ல் தமிழ்மொழி பாடம் தவிர பிற மொழியை பயின்று வந்த மாணவர்கள் 2015-16ம் கல்வியாண்டில் பகுதி 1ல் தமிழ்தேர்வு எழுத இயலாத நிலை ஏற்பட்டால் அதற்கு அந்தந்த பள்ளி தலைமையாசிரியரும், பள்ளி தாளாளரும் பொறுப்பேற்க வேண்டும்.

வரும் 10ம் வகுப்பு பொதுத்தேர்வில் பகுதி 1ல் தமிழ் மொழி தேர்வு நடத்தப்படும். பிற மொழிகளில் எழுத முடியாது. இவ்வாறு சுற்றறிக்கையில் கூறியுள்ளார்.

Wednesday, 6 May 2015

அனைவருக்கும் கல்வித் திட்டத்தில் மேற்கொள்ளப்பட்ட திருத்தங்களை மாற்றியமைக்க நடவடிக்கை எடுக்குமாறு, பிரதமர் நரேந்திர மோடியை, முதலமைச்சர் பன்னீர் செல்வம் வலியுறுத்தியுள்ளார்.
தனியார் பள்ளிகளில் 25 சதவீதம் இடங்களை பின்தங்கிய குடும்பங்களைச் சேர்ந்த மாணவர்களுக்கு ஒதுக்க தமிழக அரசு உத்தரவிட்டுள்ளது. இதற்கான கட்டணச் செலவை கல்வி உரிமைச் சட்டப்படி மத்திய அரசு வழங்கும் என அறிவிக்கப்பட்டிருந்தது. இந்த
நிலையில், கடந்த 2013-14ம் கல்வியாண்டில், இந்த சட்டத்தின்படி, மாணவர் சேர்க்கை நடைபெற்றதில், தனியார் பள்ளிகளுக்கு வழங்க வேண்டிய 25 கோடியே 13 லட்சம் ரூபாயும், 2014-15ம் ஆண்டிற்கு வழங்க வேண்டிய 71 கோடியே 57 லட்சம் ரூபாயும் சேர்த்து மொத்தம் 97 கோடியே 4 லட்சம் ரூபாய் இதுவரை வழங்கப்படவில்லை என பன்னீர் செல்வம் குறிப்பிட்டுள்ளார்.

கட்டணச் செலவு வழங்கப்படாததால், தனியார் பள்ளிகளில் பின்தங்கிய குடும்பங்களைச் சேர்ந்த மாணவர்கள் கல்வி பெறுவதும் தடைபடுவதாகக் குறிப்பிட்டுள்ள முதலமைச்சர், இந்த தொகையை மத்திய அரசு உடனடியாக விடுவிக்க நடவடிக்கை எடுக்குமாறு வலியுறுத்தியுள்ளார். மேலும், கல்வி பெறும் உரிமைச் சட்ட விதிமுறைகளுக்கு ஏற்ப, அனைவருக்கும் கல்வித் திட்ட விதிமுறைகளைத் திருத்த வேண்டும் என்று வலியுறுத்தியுள்ளார்.

அரசு கலைக் கல்லூரிகளில் புதிதாக 23 இளங்கலை படிப்புகள் இந்த ஆண்டு அறிமுகம்


தமிழ்நாட்டில் பிளஸ்-2 தேர்வு முடிவு 7-ந்தேதிவெளியிடப்படுகிறது. ஆனால் அதற்கு முன்பாக கலை அறிவியல் கல்லூரிகளில் பட்டப்படிப்பில் சேர்வதற்கான விண்ணப்பப்படிவம் கொடுக்கப்பட்டு வருகிறது.

இந்த கல்வி ஆண்டில் (2015-2016) அரசு கலை அறிவியல் கல்லூரிகளில் 23 இளங்கலை படிப்புகளும், 26 முதுகலை படிப்புகளும் புதிதாக தொடங்கப்பட உள்ளன.மேலும் 62 எம்.பில் படிப்புகளும், 52 பிஎச்.டி. படிப்புகளும் புதிதாக தொடங்கப்பட உள்ளன. அதுபோல அரசு கலை அறிவியல் கல்லூரிகளில் 124 உதவி பேராசிரியர்களை நியமிக்க அரசு அனுமதி வழங்கி உள்ளது.

அரசு பள்ளி ஆசிரியர்களுக்கு கிராமங்களில் 5 ஆண்டு கட்டாய பணி புதிய சட்டம் கொண்டுவர கர்நாடக மாநில அரசு தீவிரம்


பொதுவாக அரசு ஊழியர்கள் மற்றும் ஆசிரியர்களுக்கு கிராமப்புறங்களில் பணியாற்ற வேண்டும் என்றால் வேப்பங்காயை சாப்பிடுவது போல கசப்பான ஒன்றாகும். இதனை தவிர்ப்பதகாக அவர்கள், உடல்நிலை சரியில்லை எனவும், குடும்ப சூழ்நிலையை காரணம் காட்டியும் நகர்ப்புறங்களில் பணியாற்ற வாய்ப்பை ஏற்படுத்தி கொள்வது வாடிக்கையாக அரங்கேறி வருகிறது.
அதிலும் சிலர், அரசியல்வாதிகளின் ஆதரவுடன் கிராமப்புறங்களில் பணியாற்ற செல்வதை தவிர்த்து வருகிறார்கள். இனிமேல், இதுபோன்று காரணங்களை கூறி கிராமப்புற பள்ளிகளில் ஆசிரியர்கள் பணியாற்றுவதை தவிர்க்க முடியாத வகையில் கர்நாடக அரசு புதிய சட்டம் கொண்டுவர முடிவு செய்து உள்ளது.
கிராமப்புற ஆசிரியர்களின் அவலநிலை
கர்நாடகத்தில் சுமார் 54 ஆயிரம் அரசு பள்ளிகள் உள்ளன. அந்த பள்ளிகளில் 3 லட்சத்துக்கு அதிகமான ஆசிரியர்கள் பணியாற்றி வருகிறார்கள். இந்த ஆசிரியர்களில் 15 சதவீதம் பேர், கிராமப்புறங்களில் பணியாற்றியது கிடையாது. மேலும் 2007-ம் ஆண்டுக்கு முன்பு பணியில் சேர்ந்த ஆசிரியர்கள் நகர்ப்புறங்களை விட்டு கிராமப்புறங்களில் பணியாற்றவில்லை.
இதற்காக அவர்கள் பல்வேறு காரணங்களை கூறி பணிமாற்றத்தை தவிர்த்து தங்களுக்கு ஏதுவாக உள்ள நகரப்பகுதியில் பணியாற்றி வருகிறார்கள். இதனால் கிராமப்புறங்களில் பணியாற்றி வரும் ஆசிரியர்கள், நகர்ப்புறங்களில் பணியாற்ற முடியாத சூழல் உள்ளது. கிராமப்புறங்களில் பணியாற்றி வரும் ஆசிரியர்கள் அந்த பகுதியிலேயே ஓய்வு பெறும் நிலைக்கு தள்ளப்படுகிறார்கள். அவர்களுக்கு நகர்ப்புறங்களில் உள்ள அரசு பள்ளிகளில் பணியாற்றுவது என்பது எட்டாக்கனியாகவே உள்ளது. இதுதவிர, கிராமப்புறங்களில் பணியாற்ற யாருக்கும் விருப்பம் இல்லாததால் அங்கு ஆசிரியர் பற்றாக்குறை அதிகளவு உள்ளது.
ஆசிரியர்களின் சுயநலம்
கர்நாடகத்தில் வடகர்நாடகம், ஐதராபாத் கர்நாடகம், கடலோர கர்நாடகம் பகுதியில் உள்ள கிராமப்புற பள்ளிகளில் தற்போது ஆசிரியர்கள் பற்றாக்குறை அதிகளவு உள்ளது. இதனால் அந்த பகுதி மாணவ-மாணவிகள் உயர்தர கல்வி கிடைப்பதில் வஞ்சிக்கப்படுகிறார்கள். இது அரசு ஆசிரியர்கள் கிராமப்புறங்களில் பணியாற்றுவதற்கு விருப்பமின்மையே காரணம் ஆகும். ஆசிரியர் பணியை அனைவரும் சேவை மனப்பான்மையுடன் செய்ய வேண்டும். ஆனால், நகர்ப்புறங்களில் பணியாற்றும் ஆசிரியர்களின் சுயநலத்தால், அந்த பகுதி மாணவ-மாணவிகள் தரமான கல்வி கிடைக்காமல் பள்ளிப் படிப்பை பாதியிலேயே துறக்க நேரிடுகிறது.
மாநில அரசு கிராமப்புறங்களில் டாக்டர்கள் கட்டாயம் சேவையாற்ற வேண்டும் என்ற சட்டத்தை கொண்டு வந்ததை போலவே, தற்போது கிராமப்புற பள்ளிகளில் ஆசிரியர்கள் 5 ஆண்டுகள் கட்டாயம் பணியாற்ற வேண்டும் என்ற சட்டத்தை கொண்டுவர உள்ளதாக தகவல்கள் வெளியாகி உள்ளது.
தீவிர பரிசீலனை
கர்நாடகத்தில் பணியாற்றும் ஆசிரியர்கள் அனைவருக்கும் சரிசமமான உரிமை கிடைக்க, கிராமப்புறங்களில் பணியாற்றும் ஆசிரியர்கள் பல்வேறு கோரிக்கை விடுத்து வந்தனர். இதனை அறிந்த கர்நாடக கல்வித் துறை மந்திரி கிம்மனே ரத்னாகர், கல்வி அதிகாரிகள், கல்வி பிரதிநிதிகளுடன் தீவிர பரிசீலனை நடத்தி வருகிறார். இதனால் கூடிய விரைவில் அனைத்து ஆசிரியர்களும் கிராமப்புற பள்ளிகளில் 5 ஆண்டுகள் கட்டாயம் பணியாற்ற வேண்டும் என்ற சட்டம் அமல்படுத்தப்படும் என்று எதிர்பார்க்கப்படுகிறது.
கர்நாடக அரசு இந்த சட்டத்தை கொண்டுவருவதன் மூலம், கிராமப்புறங்களில் ஆசிரியர்கள் பற்றாக்குறை தீர்வதுடன், கிராமப்புற மாணவ- மாணவிகளுக்கு தரமாக கல்வி கிடைக்கும். இதனால் கிராமப்புற மக்களும், மாணவ-மாணவிகளும் இந்த சட்டத்தை எதிர்நோக்கி உள்ளனர்.

25 சதவீத இடஒதுக்கீடு: மே 19 வரை விண்ணப்பங்களை விநியோகிக்க தனியார் பள்ளிகளுக்கு அரசு உத்தரவு


கல்வி உரிமைச் சட்டத்தின் கீழ் 25 சதவீத இடஒதுக்கீட்டுக்கு மே 19 வரை விண்ணப்பங்களை பெற்றோருக்கு இலவசமாக விநியோகிக்க வேண்டும் என, தனியார் பள்ளிகளுக்கு மெட்ரிக் பள்ளிகள் இயக்குநர் ஆர்.பிச்சை உத்தரவிட்டார்.
அதோடு, நிறைவு செய்யப்பட்ட விண்ணப்பங்களைப் பெறும்போது அதற்கான ஒப்புகைச்சீட்டையும் தனியார் பள்ளிகள் பெற்றோர்களுக்கு வழங்க வேண்டும் என, அவர் அதில் தெரிவித்துள்ளார்.
மாவட்ட முதன்மைக் கல்வி அலுவலர், மாவட்டக் கல்வி அலுவலர், மெட்ரிக் பள்ளிகள் ஆய்வாளர், மாவட்டத் தொடக்கக் கல்வி அலுவலர் உள்ளிட்ட அனைத்து ஆய்வு அலுவலர் அலுவலகங்களிலும் நகலெடுத்து பெற்றோருக்கு விநியோகிக்கப்பட வேண்டும் எனவும் உத்தரவிடப்பட்டுள்ளது.
இது தொடர்பாக அவர் செவ்வாய்க்கிழமை இரவு வெளியிட்ட அறிவிப்பு:-
கல்வி உரிமைச் சட்டத்தின் கீழ் தனியார் பள்ளிகளில் ஏழை மற்றும் பொருளாதார ரீதியாக நலிவடைந்த பிரிவினருக்கு 25 சதவீத இடங்களை ஒதுக்கீடு செய்ய வேண்டும். இந்த ஒதுக்கீட்டுக்கு மே 3-ஆம் தேதி முதல் விண்ணப்பங்கள் வழங்கப்பட வேண்டும்.
ஆனால், இதுவரை தனியார் பள்ளிகளில் நடைமுறை தொடங்கப்படவில்லை என தகவல்கள் பெறப்படுகின்றன. இதையடுத்து, ஆய்வு அலுவலர்களுக்கு கீழ்க்கண்ட உத்தரவுகள் பிறப்பிக்கப்படுகின்றன.
மாவட்ட ஆட்சித் தலைவர்களிடம் ஆலோசனைப் பெற்று சிறுபான்மையில்லாத தனியார் பள்ளிகளில் அறிமுக வகுப்புகளில் (எல்.கே.ஜி. மற்றும் 1-ஆம் வகுப்பு) பள்ளி வாரியாக உள்ள மொத்த இடங்கள், 25 சதவீத இடங்கள் ஆகிய விவரங்களை இணையதளம், தகவல் பலகைகள், பத்திரிகைகள் மூலம் அறிவிப்பு செய்ய வேண்டும்.
மே 19-ஆம் தேதி கடைசி: இந்த இடங்களுக்கான விண்ணப்பங்கள் மே 19 வரை விநியோகிக்கப்பட வேண்டும். நிறைவு செய்யப்பட்ட விண்ணப்பங்களைச் சமர்ப்பிக்க அன்றைய தினமே கடைசி. தேர்வு செய்யப்பட்ட மற்றும் நிராகரிக்கப்பட்ட மாணவர்களின் விவரங்கள் தகுந்த காரணங்களுடன் மே 21-ஆம் தேதி வெளியிடப்பட வேண்டும்.
நிர்ணயிக்கப்பட்ட இடங்களுக்கும் மேலாக விண்ணப்பங்கள் பெறப்பட்டிருந்தால், பெற்றோர்களின் முன்னிலையில் குலுக்கல் முறையில் தேர்வு நடத்தப்பட வேண்டிய நாள் மே 25 ஆகும். 25 சதவீத இடஒதுக்கீட்டுக்கு தேர்வு செய்யப்பட்ட மாணவர்களின் விவரம் பள்ளித் தகவல் பலகையில் வெளியிடப்பட வேண்டிய நாள் மே 25 பிற்பகல் 2 மணி ஆகும். மாவட்ட அலுவலகங்களில் இந்த விவரங்களைச் சமர்ப்பிக்க கடைசி தேதி ஜூன் 2.
இந்த கால அட்டவணையை தவறாமல் பின்பற்ற வேண்டும். தனியார் பள்ளிகளில் பிரதான நுழைவு வாயிலிலும் அனைத்துத் தகவல்கள் அடங்கிய பேனர் வைக்கப்பட வேண்டும். இந்த மாணவர் சேர்க்கை தொடர்பாக பொதுமக்களிடம் விழிப்புணர்வு ஏற்படுத்தப்பட வேண்டும்.
அனைத்து ஆய்வு அலுவலர் அலுவலகங்களிலும் இந்தச் சேர்க்கைக்கான விண்ணப்பங்களை நகலெடுத்து வைத்துக்கொள்ள வேண்டும். 
பூர்த்திசெய்த விண்ணப்பங்களை ஆய்வு அலுவலகங்களில் பெற்று, பெற்றோருக்கு ஒப்புகைச் சீட்டு வழங்கி, உரிய பதிவேடு பராமரித்து சம்பந்தப்பட்ட பள்ளிகளுக்கு மே 19-ஆம் தேதி மாலை 5 மணிக்குள் பரிந்துரை செய்ய வேண்டும். இந்த மாணவர் சேர்க்கைக்கு பள்ளிகள் கட்டணம் எதுவும் வசூலிக்கக் கூடாது.
தனியார் பள்ளிகளுக்கு ஒரு கிலோமீட்டர் சுற்றளவில் அரசுப் பள்ளி, அரசு உதவிப் பெறும் பள்ளி இருப்பினும் தனியார் பள்ளிகளில் கல்வி உரிமைச் சட்டத்தின் படி இடஒதுக்கீடு கோரினால் மறுக்கப்படாமல் அவர்களுக்கு சேர்க்கை வழங்கப்பட வேண்டும் என அவர் தெரிவித்துள்ளார்.

பிளஸ் 2 தேர்வு - நாம் தெரிந்து கொள்ள வேண்டிய சில தகவல்கள்.

பிளஸ் 2 தேர்வு - நாம் தெரிந்து கொள்ள வேண்டிய சில தகவல்கள்.

*மே 8 முதல் 14வரை மறுகூட்டல் விண்ணப்பிக்கலாம்.அப்போது வழங்கும் ஒப்புகை சீட்டு பத்திரமாய் வைத்திருக்கவும்

*தற்காலிக மதிப்பெண் சான்று மே 14.மே 18முதல் தேர்வு துறை இணையத்தில் பெறலாம்

*ஜுன் இறுதியில் தனித்தேர்வு.மே 15முதல் 20வரை விண்ணப்பிக்கலாம்.